قازىرگى ۋاقىتتا قۇرىلىس الاڭىندا 17 مەردىگەر كومپانيادان 240-قا جۋىق ادام جۇمىس ىستەۋدە.
بارلىق 4 كەشەندى ىسكە قوسۋ بويىنشا جۇمىس جۇرگىزىلۋدە:
«دايىن ءونىم قويماسى»-ءبىرىنشى كەشەن بويىنشا - 85%;
ەكىنشى «ىشكى تەمىر جول» كەشەنى بويىنشا - 52%;
ءۇشىنشى «نەگىزگى تسەحتار» كەشەنى بويىنشا - 45%;
ءتورتىنشى «ىشكى ينجەنەرلىك جەلىلەر» كەشەنى بويىنشا - 7% جۇمىس اياقتالعان.
بيۋدجەتتىك قاراجات ەسەبىنەن شىنى زاۋىتىنا قاجەتتى بارلىق ينفراقۇرىلىم جەتكىزىلەدى. بۇگىنگى تاڭدا گاز قۇبىرىنىڭ ەكى تارماعى, سۋمەن جابدىقتاۋ, كارىز جۇيەسى, ەلەكتر جەلىلەرى, جولدار مەن بايلانىس جەلىلەرى تارتىلدى.
اعىمداعى جىلدىڭ قاراشا ايىنا دەيىن تەمىر جولدىڭ قۇرىلىسىن اياقتاۋ جوسپارلانىپ وتىر.
بۇعان دەيىن ايتىلعانداي, زاۋىت قۇرىلىسىنىڭ اياقتالۋى اعىمداعى جىلدىڭ اياعىنا جوسپارلانعان, وسىعان بايلانىستى وبلىس اكىمدىگى قۇرىلىستى ۋاقىتىندا اياقتاۋ ءۇشىن ءتيىستى جۇمىستاردى اتقارۋدا.
ايتا كەتۋ كەرەك, «چاينا تريۋمف» كومپانياسى كۇن باتارەيالارى, سمارتفوندار مەن پلانشەتتەر ( قۋاتتىلىعى كۇنىنە 250 توننا ۋلترا جۇقا شىنى وندىرەتىن زاۋىت ) ءۇشىن پايدالانىلاتىن وتە جۇقا ءارى ۋلترا ءمولدىر شىنى ءوندىرۋ ءۇشىن جوعارى تەحنولوگيالىق زاۋىت قۇرىلىسىنا ينۆەستور رەتىندە قوسىلدى.
جاڭا جوبانىڭ قۇنى شامامەن 150 ميلليون اقش دوللارىن قۇرايدى.
ونىمدەردىڭ نەگىزگى ارتىقشىلىقتارى قالىڭدىعى 0,15 مم تەگىس جانە وپتيكالىق بۇرمالانۋى تومەن شىنى بولىپ تابىلادى.
زاۋىت قۇرىلىسىنىڭ ەكىنشى كەزەڭىندە 500 جاڭا جۇمىس ورنىن, ال پايدالانۋعا بەرگەننەن كەيىن شامامەن 150-دەن استام تۇراقتى جۇمىس ورنىن قۇرۋ جوسپارلانىپ وتىر.
